Sa crèsia de Santa Bràbara in sa mina


In sa mina de Su Suèrgiu, a canta de sa Palatzina de sa diretzioni, nc’est sa Cresiedda de Santa Bràbara, chi is biddasatesus tzèrriant Santràbara puru. Su 4 de mesi ‘e idas fiant festa manna, ca custa Santa furiat sa protetora insoru.

Sa di’, in sa mina, no traballànt ma a is minadoris e a totu su personali ddus pagànt su pròpiu. Su predi de Biddesatu fiat una bella missa po is operajus, po is famìllias e po chini ‘oliat andai. Sa devotzioni po Santa Bràbara est abarrada in su coru insoru e de totu is biddesatesus. Sa stàtua de sa Santa imoi est in sa crèsia sua in bidda.

In su 1977 iant serrau sa cresiedda e in su 1985 una scàrriga elètrica iat arrovinau sa cresiedda, chi dda ant arrangiada de pagu tempus e fait pa(r)ti de su progetu de arrecùperu de Su Suèrgiu.

 


Sa mina de Su Suèrgiu in Biddesatu
Progetu "Sa mina de Su Suèrgiu in Biddesatu". Comunu de Biddesatu e Provìncia de Casteddu. Lei arregionali 26/97 - art. 13.